DC Mwegelo aahidi Chuo cha Polisi Kisarawe

Ameahidi kutenga eneo la Kijiji kwa ajili ya ujenzi

By  | Nov 20, 2020, 12:36 PM  | Jokate Mwegelo  | Drama

MKUU wa Wilaya ya Kisarawe, Jokate Mwegelo, ameahidi kutoa eneo la kujenga Chuo Cha Mafunzo ya Kikosi cha Askari Polisi.
Mwegelo ametoa ahadi hiyo leo, alipokuwa mgeni rasmi katika ufunguzi wa mafunzo ya kwanza ya wanyama aina ya mbwa na farasi wilayani humo
Amemshukuru Mkuu wa Jeshi la Polisi nchini, Simon Sirro na Kamanda wa Kikosi cha Mbwa na Farasi Tanzania, Kyariga kwa kumpa jukumu hilo.
View this post on Instagram

Namshukuru Afande IGP Sirro, Kamanda wa Kikosi cha Mbwa na Farasi Tanzania ASP Kyariga kwa mualiko wa kuwa Mgeni Rasmi wiki hii kwenye ufunguzi wa mafunzo ya kwanza ya wanyama - mbwa na farasi kwenye wilaya yetu ya Kisarawe kwa askari wa jeshi la polisi Tanzania. Nitumie fursa hii pia kuwashukuru wananchi wa kijiji cha Zegero kwa kutoa eneo hili kwa jeshi letu la polisi. Mipango ya hivi karibuni ni kujenga chuo cha mafunzo ya askari polisi kwenye hiki kijiji chetu. Nimemhakikishia kamanda wa kikosi ushirikiano wote watakaohitaji kutoka kwa ofisi ya Mkuu wa Wilaya. Tunaamini uwepo wa kikosi hiki na chuo kitasaidia kudumisha ulinzi na usalama wa wananchi na mali zao. Lakini pia kitaongeza mzunguko wa pesa na hatimaye kuleta maendeleo zaidi sio tu kwenye kijiji cha Zegero lakini pia kwenye Tarafa nzima ya Mzenga na wilaya.

A post shared by Jokate Mwegelo (@jokatemwegelo) on



Katika ukurasa wake wa Instagram Jokate amesema, "Nitumie fursa hii pia kuwashukuru  wanakijiji cha Zegero kwa kutoa eneo hili kwa jeshi letu la polisi." 
"Mipango ya hivi karibuni ni kujenga chuo cha mafunzo ya kikosi cha askari polisi kwenye kijiji chetu,"  amesema Mkuu huyo wa wilaya.
Amesema amemhakikishia Kamanda wa Kikosi  hicho, ushirikiano wote utakaohitajika kutoka kwa ofisi ya Mkuu wa Wilaya.
Read more